नेपाल सरकारको वैधानिक कानून, २००४
नेपाल सरकारको वैधानिक कानून, २००४
वि.सं. २००४ साल माघ १३ गते विशालनगर दरबारबाट घोषणा गरिएको "नेपाल सरकारको वैधानिक कानून, २००४" नेपालकै पहिलो संविधान हो। यो संविधान वि.सं. २००५ साल वैशाख १ गतेदेखि लागू हुने घोषणा गरिएको थियो।
तर लागू हुनुअघि नै, वि.सं. २००४ फागुन १८ गते प्रधानमन्त्री पद्म शमशेर जबराले भारत प्रवासमा रहँदै राजीनामा दिए। उनका उत्तराधिकारी मोहन शमशेर जनतालाई अधिकार दिन इच्छुक थिएनन्, जसका कारण यो संविधान कहिल्यै लागू हुन सकेन।
यस संविधानको मस्यौदा तयार गर्न भारतका तीन जना संविधान विशेषज्ञहरू – श्रीप्रकाश, डा. रामउग्र सिंह, र रघुनाथ सिंह – लाई नेपाल बोलाइएको थियो।
यो वैधानिक कानूनले देशमा व्यापक परिवर्तन ल्याउने लक्ष्य राखेको थियो। संविधानमा जम्मा ६ भाग, ६८ धारा र १ अनुसूची थिए।
