सम्पत्ति शुद्धीकरण (मनी लाउण्डरिङ्ग) निवारण (तेस्रो संशोधन) अध्यादेश, २०८३
अध्यादेशको आधारभूत तथ्यपत्र
- अध्यादेशको नाम: सम्पत्ति शुद्धीकरण (मनी लाउण्डरिङ्ग) निवारण (तेस्रो संशोधन) अध्यादेश, २०८३
- नेपाल राजपत्रमा प्रकाशित मिति: २०८३/०१/१८
- अध्यादेश नम्बर: संवत् २०८३ सालको अध्यादेश नं. ०३
- जारी गर्ने अधिकारी: मन्त्रिपरिषद्को सिफारिसमा राष्ट्रपति
- संवैधानिक आधार: नेपालको संविधानको धारा ११४ को उपधारा (१) बमोजिम
- संशोधन गरिएको मूल ऐन: सम्पत्ति शुद्धीकरण (मनी लाउण्डरिङ्ग) निवारण ऐन, २०६४
मुख्य संशोधन तथा व्यवस्थाहरू:
- क्षेत्राधिकार र सूचनाको दायरा (दफा १३): तस्करी (भन्सार, अन्तःशुल्क र कर सहित), प्रत्यक्ष वा अप्रत्यक्ष कर, धितोपत्र वा कमोडिटिज बजारको मार्केट म्यानिपुलेसन वा इन्साइडर ट्रेडिङ, मुद्रा, बैंकिङ, वित्तीय, विदेशी विनिमय र बीमा सम्बन्धी कसूरहरूसँग सम्बन्धित सम्पत्ति शुद्धीकरणको सूचना विभागमा दिनुपर्ने व्यवस्था गरिएको,
- सरकारी वकील र अदालत सम्बन्धी व्यवस्था (दफा २२):
- विभागको अनुसन्धानको हकमा नेपाल सरकारले राजपत्रमा सूचना प्रकाशन गरी तोकेको सरकारी वकील कार्यालयले मुद्दा हेर्ने,
- विभागले गरेको अनुसन्धानबाट मुद्दा चल्ने देखिएमा सरकारी वकीलले विशेष अदालतमा मुद्दा दायर गर्ने,
- अभियोजन सम्बन्धी स्पष्टता (दफा २९): विभागले अनुसन्धान गर्दा आफ्नो क्षेत्राधिकारको कुनै सम्बद्ध कसूरमा मुद्दा नचलेको अवस्थामा पनि सो कसूरको समेत मागदावी लिई अभियोजनको राय प्रस्ताव गर्न बाधा नपर्ने व्यवस्था थप गरिएको,
