नेपालका प्रमुख साहित्यिक पुरस्कारहरू

नेपालका प्रमुख साहित्यिक पुरस्कारहरू

१. मदन पुरस्कार

मदन पुरस्कार स्व. ज. मदनशमशेर राणाको स्मृतिमा रानी जगदम्बाले स्थापना गर्नुभएको हो। यसको घोषणा वि.सं. २०१२ साल असोज १० गते भएको थियो भने वितरण वि.सं. २०१४ सालदेखि सुरु गरिएको हो। प्रारम्भमा पुरस्कार राशी रु. ४,००० र स्वर्णपदक थियो, तर वि.सं. २०६१ सालदेखि रु. २ लाख र वि.सं. २०७५ सालदेखि रु. ४ लाख पुर्‍याइएको छ। वि.सं. २०३१ र २०३३ सालमा यो पुरस्कार प्रदान गरिएको थिएन। मदन पुरस्कार हरेक वर्ष नेपाली भाषामा प्रकाशित उत्कृष्ट कृति मध्ये एकलाई प्रदान गरिन्छ।

तालिका ७.५ — मदन पुरस्कार प्राप्त कृति र स्रष्टाहरू

२. जगदम्बाश्री पुरस्कार

स्व. रानी जगदम्बाको पुण्य स्मृतिमा वि.सं. २०४५ सालमा स्थापना गरिएको यो पुरस्कार हरेक वर्ष नेपाली भाषा, साहित्य, संस्कृति आदिमा महत्वपूर्ण योगदान दिने व्यक्ति वा संस्थालाई प्रदान गरिन्छ। पुरस्कार राशी हाल रु. ४ लाख छ।

तालिका ७.६ — जगदम्बाश्री पुरस्कार प्राप्त स्रष्टाहरू

३. साझा पुरस्कार

यो पुरस्कार वि.सं. २०२६ सालमा साझा प्रकाशनद्वारा स्थापना गरिएको हो। हरेक वर्ष प्रकाशित पुस्तकहरू मध्ये उत्कृष्ट कृतिलाई यो पुरस्कार प्रदान गरिन्छ। पुरस्कार राशी हाल रु. ५१ हजार छ।

तालिका ७.७ — साझा पुरस्कार प्राप्त कृतिहरू (छनौट सूची)

४. प्रज्ञा पुरस्कारहरू

नेपाल प्रज्ञा–प्रतिष्ठानद्वारा स्थापना गरिएका विभिन्न पुरस्कारहरू भाषा, साहित्य, संस्कृति, समाजशास्त्र, दर्शन आदि क्षेत्रमा विशिष्ट योगदान दिने व्यक्तिहरूलाई प्रदान गरिन्छ।

प्रमुख प्रज्ञा पुरस्कारहरू

• पृथ्वी प्रज्ञा पुरस्कार : हरेक चार वर्षमा एक जना विद्वानलाई

• नेपाल प्रज्ञा भाषा पुरस्कार : दुई/दुई वर्षमा भाषाविद्लाई

• नेपाल प्रज्ञा सामाजिक शास्त्र, संस्कृति र दर्शन पुरस्कार : दुई/दुई वर्षमा

• नेपाल प्रज्ञा नेपाली साहित्य पुरस्कार : प्रत्येक वर्ष एक जनालाई

• नेपाल प्रज्ञा मातृभाषा साहित्य पुरस्कार (पहाड) : प्रत्येक वर्ष

• नेपाल प्रज्ञा मातृभाषा साहित्य पुरस्कार (तराई) : प्रत्येक वर्ष