आठौँ पञ्चवर्षीय योजना (वि.सं. २०४९–२०५४)
आठौँ पञ्चवर्षीय योजना (वि.सं. २०४९–२०५४)
आठौँ पञ्चवर्षीय योजना वि.सं. २०४९ देखि २०५४ सम्म सञ्चालन भएको थियो। यस योजनाका मुख्य उद्देश्यहरू निम्नानुसार थिएः
१) दिगो आर्थिक वृद्धि हासिल गर्नु।
२) गरिबी घटाउनु।
३) क्षेत्रीय असन्तुलन कम गर्नु।
प्राथमिकताका क्षेत्रहरू
-
(क) कृषि सघनता र विविधीकरण
-
(ख) ऊर्जा विकास
-
(ग) ग्रामीण पूर्वाधार विकास
-
(घ) रोजगारी सिर्जना र जनशक्ति विकास
-
(ङ) जनसङ्ख्या वृद्धिमा नियन्त्रण
-
(च) औद्योगिक विकास र पर्यटन प्रवर्द्धन
-
(छ) निर्यात विस्तार र विविधीकरण
-
(ज) समष्टिगत आर्थिक स्थायित्व
-
(झ) विकास प्रशासनमा सुधार
-
(ञ) अनुगमन र मूल्याङ्कन
क्षेत्रगत नीतिहरू
-
(क) कृषि उत्पादन वृद्धिमा भौगोलिक र क्षेत्रीय उपयुक्ततालाई प्राथमिकता दिने।
-
(ख) लाभदायक र निर्यातमुखी कृषि उपजको व्यवसायीकरण र विविधीकरणमा जोड दिने।
-
(ग) औद्योगिक बाली उत्पादनमा उच्च प्राथमिकता दिने।
-
(घ) कृषि प्रसारकार्यमा प्रभावकारिता ल्याउन ग्रामीण कृषक र कार्यकर्ताको सक्रिय उपयोग गर्ने।
-
(ङ) कृषि उत्पादन र साधनहरूको उपयोगमा निजी क्षेत्रको सहभागिता बढाउने।
-
(च) कृषि अनुसन्धान तथा प्रसारमा जोड दिने।
-
(छ) कृषि लगानी प्रक्रियालाई सकेसम्म सरल बनाउने।
-
(ज) सहकारीहरूको विकास र विस्तारमा जोड दिने।
