नेपालमा भेटियो नयाँ चरा ‘तालुधर्से अर्जुनक’
नेपालमा भेटियो नयाँ चरा ‘तालुधर्से अर्जुनक’
➠ नेपालमा तालुधर्से अर्जुनक नामको नयाँ चरा फेला परेको छ । उक्त चरा माथिल्लो मुस्ताङको ३ हजार ६५० मिटर उचाइमा भेटिएको हो ।
➠ यस चराको अंग्रेजीमा ‘स्पटेड फ्लाइक्याचर’ नाम रहेको चराको नेपाली नाम तालुधर्से अर्जुनक दिएको हो । तालुमा धर्सा रहेकोले पहिचान गर्न सजिलो हुने भएकाले उक्त नाम दिइएको हो । अब नेपालमा पाइने चराको संख्या थपिएर ९ सय ९६ पुगेको छ । अर्जुनक प्रजातिको चरा पनि २४ पुगेको छ । यो गर्मीमा आउने फिरन्ते चरा हो ।
➠ उक्त चरा अन्नपूर्ण संरक्षण क्षेत्रको मुस्ताङ जिल्लास्थित लोमान्थाङनजिकै समरमा २०८१ साउन २ गते बिहान ८.५८ बजे देखिएको थियो । नेपालमा नयाँ चराको अभिलेख राख्ने नेपाल बर्ड रेकर्ड कमिटीलाई नयाँ चराका बारेमाबतस्बिरसहित विस्तृत जानकारी गराइएको थियो ।
➠ यो चरा मंगोलिया, चीन, अफगानिस्तान र पाकिस्तानमा पाइन्छ । जाडो याममा नियमित रूपमा दक्षिणतिर बसाइँ सर्ने गरेको रेकर्ड छ । यो चरा पनि बसाइँ सर्ने क्रममा यहाँ आएको हुन सक्ने अनुमान गरिएको छ ।
