‘जलविद्युतबाट आत्मनिर्भर अर्थतन्त्र निर्माण गर्दैछ सरकार’
प्रधानमन्त्री पुष्पकमल दाहालले वर्तमान सरकार विद्युत उत्पादनबाट आत्मनिर्भर अर्थतन्त्र निर्माणको बाटोमा लागेको बताएका छन् ।
भरतपुर २२०/१३२ केभी सबस्टेसन र हेटौँडा–भरतपुर–बर्दघाट २२० केभी डबल सर्किट प्रसारण लाइनको आज उद्घाटन गर्दै प्रधानमन्त्री दाहालले सरकारले निजी लगानीकर्तालाई विद्युत उत्पादनमा प्रोत्साहन गरेको स्पष्ट पारे ।
अब बंगलादेशसँग विद्युत व्यापारको ढोका खुलेको छ, प्रधानमन्त्रीले आफ्नो आगामी चीन भ्रमणका क्रममा विद्युत् व्यापारको सम्भावनाबारे छलफल हुने बताउनुभयो ।
प्रधानमन्त्री दाहालले विद्युत् क्षेत्रको विकासमा उत्पादन, प्रसारण र वितरण नीति अपनाउनुपर्नेमा जोड दिँदै मुलुकमा विद्युत् उत्पादन बढेको बताउनुभयो ।
भरतपुर २२०/१३२ केभी सबस्टेसन नेपाल सरकारको लगानी र युरोपेली लगानी बैंकको सहुलियतपूर्ण ऋणमा निर्माण भएको हो भने हेटौंडा–भरतपुर–बर्दघाट २२० केभी प्रसारण लाइन नेपाल सरकारको लगानी र विश्व बैंकको सहुलियतपूर्ण ऋणमा निर्माण भएको हो ।
सबस्टेसन निर्माण परियोजनाको ठेक्का २०२० मा हस्ताक्षर भएको थियो र यो गत महिना सम्पन्न भएको थियो। सबस्टेसन आयोजनाको कुल लागत १ अर्ब ५२ करोड रुपैयाँ रहेको छ ।
करिब १४७ किलोमिटर फैलिएको २२० केभी प्रसारण लाइन मकवानपुरको हेटौंडादेखि नवलपरासीको बर्दघाट (सुस्ताको पूर्व)सम्म फैलिएको छ । आयोजनाको कुल लागत ७ अर्ब ९४ करोड रुपैयाँ छ । आयोजनालाई हेटौंडा–भरतपुर र भरतपुर–बर्दघाट गरी दुई खण्डमा विभाजन गरी कार्यान्वयन गरिएको थियो ।
हेटौँडा उपमहानगरपालिका मकवानपुरको चौकीटोलस्थित पुरानो हेटौँडा सबस्टेसनदेखि चितवनको नयाँ भरतपुर सबस्टेसनसम्म विस्तार भएको डबल सर्किट प्रसारण लाइनको एउटा सर्किट १३२ केभी चार्ज भएको छ । सुरुमा यो आंशिक क्षमतामा सञ्चालन भएको थियो।
