स्थानीय सरकार र यसको आवश्यकता
स्थानीय सरकार
- स्थानीय क्षेत्रकै निर्वाचत प्रतिनिधिद्वारा सञ्चालन गर्ने सरकार स्थानीय सरकार हो । स्थानियक सरकार स्थानीय जनताको
सहभागितामा गरिने शासन हो, जसमा जनताबाट निर्वाचित प्रतिनिधिले शासन गर्दछन् । आफ्नो क्षेत्रभित्र स्थानीय सरकार पूर्ण अधिकार सम्पन्न र उत्तरदायि हुने गर्दछ । - केन्द्रीय सरकारले समग्र देश र स्थानीय सरकारवीच समन्वय र नियन्त्रण गर्दछ भने स्थानीय सरकारले आफ्नो क्षेत्रभत्र समन्वय र नियन्त्रण गर्दछ । नेपालमा गाउँपालिका, नगरपालिका, र जिल्ला समन्वय समितिलाई स्थानीय तहकको रुपमा लिईन्छ । उक्त स्थानमा सञ्चालिन सरकार स्थानीय सरकार हो ।
स्थानिय सरकारको आवश्यकता
- लोकतन्त्रको स्थानीयस्तरदेखी नै संस्थागत विकास गर्न,
- स्थानीय नेतृत्वको विकास गर्न,
- स्थानीयस्तरमा जनचाहना अनुरुपका आवश्यकता पूर्ति गर्न,
- स्थानीय तहमा छरिएर रहेको शक्तिलाई एकीकृत गरी परिचालन गर्न,
- स्थानीय साधन स्रोत, सीप, प्रविधि, क्षमता एमं अनुभवको अधिकतम परिचालन गर्न,
- स्थानीयस्तरको योजना व्यवस्थापन (योजना पहिचान, तर्जुमा, कार्यान्वयन, अनुगमन, प्रतिफल बाँडफाँड) मा स्थानीय निकायलाई नै जिम्मेवार र जवाफदेही बनाउन,
- शासन व्यवस्थापनमा जनताको सहभागिता प्रवर्द्धन गर्न,
- स्थानीय तहबाट नै शुशासनको स्थापना गर्न ।
